رياض
أهلا بيك،أخبارك إيه؟واضح أنك تعبت جامد قبل ما تلاقينا،افرح يا عم،كل اللي بتتمناه موجود هنا،شد حيلك وتسجل علشان تستمتع معانا.
رياض
أهلا بيك،أخبارك إيه؟واضح أنك تعبت جامد قبل ما تلاقينا،افرح يا عم،كل اللي بتتمناه موجود هنا،شد حيلك وتسجل علشان تستمتع معانا.
رياض
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.

رياض


 
الرئيسيةجنة الانترنتأحدث الصورالتسجيلدخول

 

 موقف طريف " للجميع " ههههههههههههههههههههههه

اذهب الى الأسفل 
كاتب الموضوعرسالة
titos
عضو متألق
عضو متألق
titos


الجنس : ذكر
عدد المساهمات : 154
العمر : 37
الموقع :
نقاط : 256
السٌّمعَة : 7
تاريخ التسجيل : 12/02/2009

بطاقة الشخصية
sms للمنتدى:

موقف طريف " للجميع " ههههههههههههههههههههههه Empty
مُساهمةموضوع: موقف طريف " للجميع " ههههههههههههههههههههههه   موقف طريف " للجميع " ههههههههههههههههههههههه I_icon_minitimeالأربعاء مايو 06, 2009 10:01 pm


مراحب بالجميع

فبما أننا مقبلين على صيفيه وونس وزواجات وضحك وفّله وبما أن فترة الامتحانات أنتهت .. واللي نجع مبروك .. والمفهي اللي رسب ينتبه الدور الثاني ويشد حيله ويتركه من الحركات البايخه اللي مالها داعي ..
وبما أنني ايضا رايق هذا الصباح

قررنا نحن " حبوب " تنفيذ هذا الموضوع وهو " موقف طريف " بحيث يحش كل واحد في نفسه حلوه هذي جدا .. أعجبتني والله هههههههه
المهم .. يقول لنا موقف طريف صار له هو عشان ماتكون غيبه فاي واحد يمر على هذا الموضوع يقرأ مواقف باقي الاعضاء ويعلق براحته .. لكن يكتب لنا موقف طريف وممكن تكون أكثر من مشاركه .. يعني عادي جدا خذ راحتك .. واذا سوى فيها ذكي ومر وقرأ فضايحنا ولا كتب موقف طريف له تراني بفظحه في كل مكان .. وأسوي فيه اللي مايتسوى .. وأدارة موقع الكلمه تعاونت معنا مشكوره في هذا الجانب .. ونزلت هاك " عدد الأعضاء الذين شاهدوا هذا الموضوع " في أسفل كل موضوع .. يعني تراك مكفوش مكفوش .. فلا تسوي ذكي

نرجع للموضوع .. ونقول لكم خليكم قدعان وبينوا شجاعتكم في فضح أنفسكم .. وانا سأكون أول الشجعان وأبدا .. لكن والله اللي يضحك مرررره لأنتف أذانيه أضحكوا لكن بشويش .. بدون ما احد ينتبه

الموقف

في يوم من الايام .. وبينما انا كنت غاطس في نومه بعد سهره طويله .. واذا بعكاز يضرب ظهري .. معليش هنا ماراح أقول الحقيقه بالتفصيل فأعذروني والا تدرون بأقول وأذا بكاز يضربي عاد فين مو شغلكم .. المهم .. صحيت مفزوعا .. واذا بها جدتي أطال الله في عمرها تبي فول من جد رايقه

المهم .. قلت لها وش فيه .. قالت قم جيب لنا فطور .. قلت لاحول ولا قوة الا بالله .. وصحت مناديا أمي .. أماه أماه .. قالت ماذا تريد .. قلت .. فكينا من أمك الله يحسن لنا ولها الخاتمه.. تبي فطور الساعه 6 ونص وتونا مصلين الفجر .. أحد يفطر الحين !!!؟ .. قالت أمي .. ذات أز نوت ماي بزنس .. يعني مالي شغل تفاهم معاها .. وأذا بالعكاز يلوح في الافق من جديد .. واذا بي أرفع راية الاستسلام .. والخضوع للأمر الواقع .. والطاعه

وقمت أجر أذيال النعاس .. وبعد ما تشطفت .. جيت للعجايز الله يحفظهم .. وهم يتقهوون .. ما أقول لكم رايقين .. المهم .. قلت وش تبون فطور .. قالت جدتي أبي فول .. قلت أبشري والله يأ أحلى جده " طبعا قلتها وأسناني مقفله على بعض "

نزلت وشغلت الماكسيما الذهبي اللي كانت معي .. اللللللله .. والله زمان يافن .. يشهد الله أنها وحشتني هالماكسيما .. المهم وصلت للفوال .. وانا طفشااااااان من جد .. قلت له .. بالله جهز لي بريالين فول الين أجيب التميس وأجيك .. وفعلا جبت التميس وأخذت الفول .. ورحت للسياره .. ويوم قربت تدرون وش لقيت .. ما تصدقون .. لقيت حرمه في المقعد تبع الراكب .. وأركز مزبوط والا فعلا .. حرمه ومعاها بزر في سيارتي .. ياللهول .. رحت فكيت باب السواق .. وحطيت الفول والتميس في المقعده الخلفيه .. والحرمه ولا كلمه .. قلت لها .. خير أن شاء الله .. ولاقالت ولا كلمه .. قلت لها مين أنتي .. وبرضه ماقالت ولا كلمه .. وتطالع في الناحيه الثانيه .. قلت لها يابنت الحلال مين أنتي وبصوت مرتفع شوي لاني بديت أعصب .. تدرون وش سوت .. فكت الباب ونزلت .. وتركت الباب مفتوح .. قلت في نفسي .. يالله صباح خير .. وش هالمهبوله اللي طبت علي مع هالصباح .. وفي هذا اللحظات .. لاحظت رجلا ضخما ملتحيا يصيح .. ياولد .. ولد .. أنزل .. أنزل .. وفي أجزاء من الثانيه أستدركت أنه ناصيني أنا .. وفي هذه اللحظه القصيره جدا .. جاء في بالي مليون شيء وشيء .. منها .. أن هذا الرجل من الهيئه .. والحين بيسوون لي سالفه .. وانا مالي في الطين ولا في العجين ..

المهم .. أن هذا المطوع .. صار يجري مقبل علي ويصيح يقول .. أنزل من السياره يا .......... ,, أنا حسيت أن الموضوع فيه شيء غلط .. وفي هذه اللحظات اللي قاعد أفكر فيها .. عرفت الغلط .. وقلت أفاااااااااااااااا من قلب .. وفكيت عيوني فكه من الصدمه ماعمري قد فكيت مثلها .. وتأكدت أني جبت العيد من أوسع أبوابه يوم عرفت ان هالسياره اللي انا راكبها .. ليست سيارتي .. بل سياره تشبهها

قلت عز الله ياحبوب انك رحت فيها ... وأن هالمطوع شكله هو صاحب السياره وهذولا أهله .. عز الله أنه بيمرغك مردغه عند الله خبرها

الفكره اللي جت في بالي الحين .. أني أنزل من السياره بأسرع وقت لشيئين .. الأول أنه ما يحشرني فيها .. والثاني أن في خروجي من السياره أحتمالات أقل خطرا .. كوجود الفراعه اللي يفرعون ويفكوني من هالمطوع الهايج .. أو أني أحط رجلي وأنحش

المهم ما مداني أنزل الا والمطوع ماسكني من كتفي .. ويقول وشبك أنت صاحي والا سكران .. وش ركبك السياره .. عاد أنا مالي وجه ولا أدري وش أقول .. وعيال اللذين اللي صافين سرا عن الفوال مافيهم أحد قال بحاول أهديهم وأدخل بينهم .. كلهم يترقبون متى تبدأ اللكمات والشلاليط ..
قلت والخوف يملأ قلبي .. والاحراج واضح علي بقووووووه .. والعرق يصب صبا .. قلت : قل لا الاه الا الله .. وتعوذ من أبليس يا ابن الحلال .. وبدأت الايمان .. والقسم اللي ما أحد كان أصدق مني فيه .. ولا حتى خريجي الدفعات .. صرت أحلف وأقول والله أني غلطت يا أبن الحلال .. شوف سيارتي .. نفس سيارتك .. وعلى بالي أنها هي .. عاد يوم شاف السياره وشاف الشبه فعلا .. هدي شوي .. وتعوذ من الشيطان .. وتأسفت له .. وبدأ الناس يضحكون على الموقف .. وهو بدأ يبتسم .. والحمد لله أنه طلع رجال عاقل .. والا كان صارت مجزره بيني وبينه لاني راح أتحمل لكن مش كثير يعني ممكن أتحمل كف بشويش .. دفه معقوله لكن بعدين ياروح ما بعدك روح .. والمهم صاروا الناس يقولون " حصل خير يا ابن الحلال .. تصير في أحسن العائلات " وانا في نفسي أقول .. توكم تتكلمون يا عيال اللذين .. من جد مقهور منهم .. المهم .. هو بدأ يعتذر .. وركب أهله السياره .. وهديت الامور والحمد لله طلع جدا متفهم للموقف والا كان صارت علوم .. وقال لي .. ماحصل الا كل خير .. لكن أنتبه مره ثانيه .. قلت له أكيد بأذن الله هذا درس .. ودعالي دعوه الله يجزاه خير ... وقال هيا روح ياولدي الله يوفقك .. ورحت وبعدين تذكرت شيء .. و رجعت له .. وقلت .. ولا عليك أمر ممكن طلب بسيط ولو أن فيه قلة حيا .. لكن عاد السموحه .. قال سم .. قلت له .. ممكن تعطيني الفول والتميس حق جدتي تراه في المقعده الخلفيه .. قال كمان حطيت فولك وتميسك .. طبعا قالها وهو يضحك .. وعطاني أياه

<< عينه قويه .. كل هذا وله وجه يطلب الفول والتميس .. الا يبي ينفرش



بس هذا هو

وسلامتكم
الرجوع الى أعلى الصفحة اذهب الى الأسفل
 
موقف طريف " للجميع " ههههههههههههههههههههههه
الرجوع الى أعلى الصفحة 
صفحة 1 من اصل 1
 مواضيع مماثلة
-
» "ناسا" تؤجل إطلاق المكوك "ديسكفري" للمرة الخامسة
» موقف الاسلام من الأديان السماوية
» موقف محرج لعريس يوم زواجه ..
» موقف كوميدي محرج مستعجل على الزواج
» حبة "خارقة" تقلل مخاطر الإصابة بأمراض القلب إلى النصف

صلاحيات هذا المنتدى:لاتستطيع الرد على المواضيع في هذا المنتدى
رياض :: رياض الترفيه :: رياض الساخر-
انتقل الى: